நாங்கள் யார் ?

அணுகுண்டு சத்தத்தில் தினமும் கண்விழிப்பு

அப்பாவி இளைஞர்கள் சித்திரவதை சிகரத்தில்

சகோதரிகள் கண்ணெதிரே கற்பிழக்க

பள்ளிக்கு சென்ற மழலையை பாடையில் கொண்டுவந்து

பேசாமடந்தையாக்கி அனைவரும் மரண படுக்கையில்

அவல குரலுடன் தினமும் கண்ணுறங்க

இப்படியுமாய் உயிருடன் இருக்கும் நாங்கள்

ஈழத் தமிழர்கள்....


இவன்
-நா. இரவி ஷங்கர்

துணை

பெண் மடிந்தவுடன் ஆண் ஒரு துணையை தேடுகிறான்
ஆனால்...
ஆண் மடிந்தவுடன் பெண் இறந்து அவன் துணையை தேடுகிறாள்

எதற்காக?

அவனில்லாத உலகில் வாழப் பிடிக்காமலா?

இல்லையேல்...

அங்கும் அவன் நிம்மதியாக இருக்கக் கூடாதென்பதற்காகவா?

இவன்
-நா. இரவி ஷங்கர்.

கல்லூரி சாலை

வாலிபர்கள் கல்லூரிச் சாலையை முறைத்தபடி நின்றனர்
மகளிர் கல்லூரி நெடுவிடுமுறையையொட்டி.
சென்னை வாசிகளும் கல்லூரிச் சாலையை முறைத்தபடி நின்றனர்
வானிலை ஆராய்ச்சி நிலையத்தை நோக்கி.

பி.கு:
இந்திய வானிலை ஆராய்சிக் கழகம்
தணியும் என எச்சரித்தும் தணிந்தபாடில்லை - வெயில்.

எதிரி:

தினமும் அவனை கண்காணித்து
அணுபொழுதும் அவனது அசைவுகளை நோட்டமிட்டு
விருப்பு வெறுப்புகளை தெரிந்துகொண்டு
நிழலைவிட அதிக நேரம் பின்தொடர்ந்து
பார்த்த க்ஷணத்தில் தாக்க தயார்படுத்திக்கொண்டு... ... ...

இப்படி அவனைவிட அதிகமாக
அவனை தெரிந்துகொண்ட நீ,
ஏனவனை தன்மயமாக்கிக் கொள்ளாமல்
அழிக்க முனைகிறாய்?

இப்படிக்கு.
-நா. இரவி ஷங்கர்.

படித்ததில் மனதில் நின்ற வரிகள்

பள்ளியில் படித்ததில் மனதில் நின்ற வரிகள்:

ஈயென இரத்தல் இழிந்தன்று அதனெதிர் ஈயேன் என்றல் அதனினும் இழிந்தன்று
கொள்ளென கொடுத்தல் உயர்ந்தன்று அதனெதிர் கொள்ளேன் என்றல் அதனினும் உயர்ந்தன்று.

விளக்கவுரை:
முதல் வரி:
ஒரு மனிதன் மற்றொருவனிடம் யாசித்தால் (குறிப்பாக பணம்) அல்லது பிச்சை கேட்கும் பட்சத்தில், அது ஓர் இழிவான செயலாகும். அதற்க்கு அந்த மற்றொருவன் தன்னிடம் பணம் இருந்தும் இல்லையென்றால் அது அதைவிட இழிவான செயலாகும்.

இரண்டாம் வரி:
ஒரு மனிதன் மற்றொருவனுக்கு தானாக முன்வந்து அன்பளிப்பது (குறிப்பாக பணம்), ஓர் உயர்ந்த செயலாகும். அதற்க்கு அந்த மற்றொருவன் தனக்கு அது வேண்டாம் என்பது அதைவிட உயர்ந்த செயலாகும்.

பி.கு: இதில் ஏதேனும் பிழையிருப்பின் அதை மண்ணிக்கவினைகிறேன்.
பிழைதிருத்த இவ்வரிகள் எந்நூலைச் சார்ந்ததென்பதை அறியேன் (மறந்தேன்).


இவன்
-நா. இரவி ஷங்கர்.

பசுமை நினைவுகள்

நுங்கு மட்டையில் வண்டி ஓட்டியது
ஈச்ச மரத்தில் ஏறி காயமடைந்தது
தண்டவாளத்தில் காது வைத்து படுத்தது
புளியமர நிழலில் கோலி விளையாடியது
கிணற்றடியில் துணி துவைத்துக் குளித்தது
ஊஞ்சலில் விளையாட சண்டைபோட்டது
குட்டையில் கும்பலாக குளித்தது
திருவிழாவில் தாமரை இலையில் சாப்பிட்டது
பாலைஸ் (பால்-ஐஸ்) எனக்கு உனக்கு என சண்டையிட்டது
பாட்டிக் கையால் வைத்த சாம்பாரை சுவைத்தது
தாத்தா கைப்பிடித்து கோவிலுக்கு சென்றது
தாதா vs பாட்டி குறும்புச் சண்டை
தாத்தாவிடம் கற்ற reef-knot தந்திரம்
நண்பர்களுடன் ஏழு-கல் விளையாடியது
திண்ணையில் கூட்டமாக தூங்கிப் புரண்டது

இதைப்போல் ஏராளமாக...
அதற்க்கு பல பக்கங்கள் வேண்டும்...
ஆகவே இவற்றுடன் விடைபெறுகிறேன்.!!!

இவன்
-நா. இரவி ஷங்கர்.

உறவுகள் Vs நண்பர்கள்?

உறவினன்:-
உன்னுடன் உண்டு (அவன்) மகிழ
உல்லாசமாய் (அவன்) வாழ்ந்திட
(நீ)உருக உரையாடிட
அவ்வப்போது பச்சோந்தியாய் உருமாரிட
உன்னை ஊருடன் ஒத்தி வாழ்வென்பான்....ஆனால்
உதவி என்றவுடன் உன் ஊர் யாதரியாதென்பான்.


உண்மை நண்பன்:-
பிரதிபலன் ஏதும் எதிர்பாராத
கானல் கண்ணீர் சுரக்காத
உன் துக்கத்தை என்றும் பகிர்ந்திட
ஏதும் கேட்காமல் உற்ற சமயத்தில் உதவிட
நான்கு தூண்களில் ஒன்றாக நின்றிட (இறுதிப் பயணத்தின்பொழுது)
இறுதிவரை உன்னுடன் உண்மையாக
உறுதியுடன் உன்கை போலிருப்பான்.


பி.கு:-
நீ இறந்த பிறகு உன்னை பிணமென்பான் உறவினன்,
அப்பொழுதும் உன்னை தன் நண்பனென்பான் நண்பன்.


-இவன்
நா. இரவி ஷங்கர்.

நான் எங்கே?

என் சகோதரன் அழுதான், அவனுக்கு தருவதாக கூறி தராமல் சென்றதுக்காக (பணம்).

என் சகோதரி அழுதாள், இனி அவள் எங்கே சென்று முறையிடுவாளென (சோகத்தை).

என் தாய் தந்தை அழுதார்கள், இனி அவர்களின் நிலையை எண்ணி (வருங்காலத்தை).

என் குழந்தைகள் அழுதார்கள், இனி எங்களுக்கு யார் வாங்கித்தருவார்கள் என்று (பொருட்கள்).

என் உறவினர் சிலர் அழுதனர், இனி இவனுக்கு திருப்பித் தரவேண்டியதில்லை என்று (கடனை - சந்தோஷத்தில்)

என் மனைவி அழுதாள், என்னால் துயர்துடைக்க இயலவில்லை...!!!
ஆறுதல் கூறவும் முடியவில்லை...!!!

ஏனெனில் நான் அனைவரின் மத்தியில் சவப்பெட்டியினுள்.


-இவன்
நா. இரவி ஷங்கர்.